Jerman noBantu Pakavoe Palu


Reporter/Editor: Firmansyah Lawawi/Ikhsan Madjido

Pamarenta Federal Jerman ria ara mompaduku mompakavoe Kota Palu anu nagero naupu ni goya nu lingu, nompadekei mo bantua deana 30juta Euro, atau maria labi limatu juta.

Bantua hai nikeni Konsul Kehormatan (Konhor) RI Jerman, Wolfgang G Kohne di kantoro Walikota Palu, eo Kamisi (31/1/2019).

Doi hai, panguli Wolfgang, nipasiromu dako todea ri Jerman, mboto-mboto maupa lombaga. Naria muni sumbanga doko ri vega Konhor ri Jerman.

“Geira netambani naria alima sampe limapu euro,” pangulina. Wakele pamarenta Jerman hi da nayakin ane Palu mabelo vai eva ruru.

“Mau naupu nanggava abala, da nagaya bo nadolipa ngata hi,” pangakuna.

Walikota Hidayat notesa ane kondisi nu Palu nompalumo na kondusif. Infrastruktur nibenahi mo  sakide-sakide, mau aga nompake dana daerah anu naria sakide.

Mompakavoe ekonomi ntodea, panguli Hidayat, seketoro anu paralu ntoto rapakabelo, tarutama tonakodi. Boitomo hai, bantua dako ri Jerman hi rapake motumbo pakavoe ekonomi todea.**

Share on Google Plus

0 komentar:

Posting Komentar

close
 LAYANAN PEMASANGAN IKLAN