Banua Gero raVerifikasi, Tupubanua Nemo Haurumba

@Ilustrasi
Reporter: Firmansyah Lawawi

BANUA nagero niposabaka lingu mbaso September 2018 naliu nompamula mo ra verifikasi. Geira dako ri kamenterian Pekerjaan Umum dan Perumahan Rakyat (PUPR) nibantu tim assessment dako ri Dinas Pekerjaan Umum (PU) Kota Palu mompaverifikasi banua gero ri kalurahan ri uvalu kacamatan ri Palu.

Verifikasi hi batuana mo tantuka berimba ntoto gero nu banua anu manggava dana stimulant dako ri Badan Nasional Penanggulangan Bencana (BNPB).

"Boitomo itu, todea banua na nagero anu nolapor mo ri kaluraha, niperapi nemo bara hau rumba ane makava tim verifikasi. Naria mo tava na,” panguli Katua Satuan Tugas Validasi Data Kota Palu, Arfan, eo Araba (6/3/2019).

Karia tupu nu banua niparaluka ntoto, mompaka coco data anu ni lapor mo ante dokumen anu raparesa tim verifikasi ngena.

“Tupu nubanua mompakitaka ngena dokumen sura-sura nu banua na mboto, nemo sampe banua ntona ngena ra paresa,” tesana.

Nokadaka tava anu nipakita Arfan, verifikasi banua gero nipamulamo eo Sine tanggala 4 Maret, sampe eo Satu tanggala 1 Juni 2019.

Maria 34.216 banua gero ra verifikasi.**

Share on Google Plus

0 komentar:

Post a Comment

close
 LAYANAN PEMASANGAN IKLAN