Walikota Noapresisasi Tuntuta nu Koroba Boncana


Reporter: Firmansyah

WALI Kota Palu Hidayat notanggapi belo tuntuta haku nu koroba boncana ri Palu, anu nisovadakan ri kongres korban bencana Palu, Sigi ante Donggala (Pasigala) ri Lapangan Vatulemo, eo Senin,11 Maret 2019 naliu.

Wali Kota anu dako nakava no umroh bara sakuya eo naliu, nositalipo ante kapala bagian humas setda Palu nanguli ane geira no apresiasi nuapa nikavia todea anu nambela bala ri Pasigala.

"Anu hai paralu rakavia asupaya motumbo pompakagasi potangani ante pompasadia nuapa-nuapa najadi paralu ante haku koroba boncana,” panguli Hidayat, eo Kamisi (14/3/2019).

Niuli Hidayat ledo aga mompasimbuku haku nu koroba boncana, tapi pamarenta nu Palu nousaha muni nuapa najadi tugasra anu rakaraja.

Mompasadia paralu nu pongungsi eva jatah hidup atau jadup, uve ri huntara, maupa listrik dako ri PLN.
Jadi, niuli Hidayat, ledo nakana ane rauli Pemkot aga nodava, ledo nokaraja mompasadia paralu ante haku nu pongungsi, eva huntap, santunan duka maupa dana stimulant.

“Bukutina, ane rapeinta pombangu huntap maria rua mpae pade mevali. Tapi kami no mpausaha ka mombangu sanjobu huntap saminggu mo naliu,” tesana.

Boitomo hai, Hidayat nerapi ka koroba boncana kamai morambanga ante pamarenta kota mompakasasinta modekei haku ante nuapa najadi kebutuhan dasar todea nambela boncana.

Niperapina muni geira koroba asupaya nemo matepanci mangepe jarita-jarita atau pe hasu tona ledo notanggungjawa, anu aga nopomanfaati situasi aga ka karora mboto.**


Share on Google Plus

0 komentar:

Post a Comment

close
 LAYANAN PEMASANGAN IKLAN