Nadeamo Nikava nuDua Pongungsi Kaombona


Reporter: Dedi Rahmat
NADEAMO Pongungsi anu nonturo ri hutan kota Kaombona Kota Palu nikava nudua. Eva dopa ria parahatia pamarenta nourusi geira hi.

"Tarutama ngana kodi, nadeamo nikava nudua. Nariamo hau ri sando sanu, naria muni nikeni hau ri ruma saki,” panguli koordinator Posko pengungsian Hutan Kota Kaombona Palu, Zualmin, eo Araba (10/4/2019).

Ane deana pongungsi ngana kodi maria talupu bo aono. Geira hai deanapa nikava nudua eva navasa, nakokora bo na mari.

"Apalagi risihili nadea lale mbaso nevoro ri tenda. Boitomo ngana kodi nagampa ntoto nambela dua,” tesana.

Ane masala uve, domo rauli, berimba ndasana nanggava uve. Kakuranga uve hi nopongaruhi muni kasehata ra, apa domo nagali uve.

"Domo rauli ane uve gali. Aga sangu tong nompatampu uve, ledo mamala rapake mandiu. Uve hi ka uvalu tenda, taupulu bo aono keluarga, bo 112 tona. Naria muni uve nidekei topo urusi taman kota, tatap muni kami nakakuranga,” pangulina.

Topongungsi geira dako ri kelurahan Talise, anu rata-rata domo naria banuara, apa niavesakamo nu bomba talu. Rua minggu naupu lingu, nonturomo ri Kaombona hi geira hai.***

Share on Google Plus

0 komentar:

Post a Comment

close
 LAYANAN PEMASANGAN IKLAN