Gubernur Nerapi ASN ra Tes Urine


Ilustrasi Tes Urin
Sumber/editor: Humpro Sulteng/Ikhsan Madjido

TUAMATA Gubernur Sulawesi Tengah H Longki Djanggola nerapi ka Badan Narkotika Nasional Provinsi (BNNP) Sulawesi Tengah supaya mo tes le natopa niuli tes urine pagawai ASN ri Sulteng. Anu hi batuana mompa tokan polelea nu narkoba.


Anu hi niuli tuamata ri tempo nantarima panjayo Kepala Badan Narkotika Nasional Provinsi (BNNP) Sulteng Brigjen Pol Suyono, ri Kantoro Gubernur Sulteng, eo Kamisi (23/5/2019).

"BNNP supaya mo tes le nu ASN. Ma rutin rakavia, asupaya ASN ledo ria mompake narkoba,” perapi tuamata.

Ri kasiromu hai, BNNP Sulteng notesa ane nadea pagawai nompake, tapi Suyono ledo nanguli sakuya deana.

“Geira hai nogero masa depan nu ngana,” pangulina.

Niulina muni, ane popatolele narkoba deana ni sitir dako ri ara lembaga pemasyarakatan (Lapas).

Boitumo hai, BNNP Sulteng nerapi dukunga pamarenta daerah manggavia kobijaka mombangu lapas khusus narkoba. Lapas hi makavao dako ri banua ntodea bo ledo maria jaringa nu HP.

Nitesa muni nu BNNP ane sampe eo hi maria taupu aono njobu topompake narkoba ri Sulteng.

Kadea topompake hi, Kapala BNN nerapi gubernur, bapati nte wali kota suapay mombangu ruma saki maria ruanga momparehabilitasi narkoba.

Suyono nerapi muni dukunga gubernur ante unsur tomaoge ri daera mompaatasi ngata najadi zona merah anu nireke nalanga pompalele narkoba.

Tuamata Gubernur Sulteng H Longki Djanggola, nanguli supaya njumangu mompakaroso po koordinasi mobotusi rante pompalele narkoba ri  Provinsi Sulteng.**





Share on Google Plus

0 komentar:

Post a Comment

close
 LAYANAN PEMASANGAN IKLAN