Kutai Timur Nobantu Palu Rp700 Juta


Sumber : Humas Pemkot Palu

WALI Kota Hidayat,  nipora Kapala Dinas Sosial kota Palu, Agus Munandar, nantarima torata dako ri Pamarentah Kabupaten Kutai Timur, Kalimantan Timur anu niwakle Sekretaris Dinas Sosial kabupaten Kutai Timur, Sudarto ante rombonga na, Kamisi (9/5/2019).

Torata hai nakava nanjayo mpaka roso posampesuvu ante nompadekei bantua sumbanga todea Kabupaten Kutai Timur.

Bantua deana Rp. 722.240.000,- ka koroba bancana ri Palu 28 September naliu.

Doi hai nitransfermo ri rekening pamarenta kota Palu bo ra kolola Badan Keuangan dan Aset Daerah (BPKAD) kota Palu.

Bukuti transfer nidekei mo ka BPKAD bo nigempu berita acara penyerahanna. Walikota Hidayat no tarima kasih ntoto ka Kutai Timur apa nobantumo todea ri Palu.

“Perapi do’a, mandate umuru, mamala muni kami ngena hau manjayo ri Kutai Timur,” niuli Hidayat.

Naupu nompaorahkan bantuan, Sekdis Sosial Kutai Timur ante rombonga hau nanggita-nggita daera nambela boncana, eva hau ri Petobo, bivi ntalinti, bo daera ntaninapa.**


Share on Google Plus

0 komentar:

Post a Comment

close
 LAYANAN PEMASANGAN IKLAN