Nelabi Suli Marisa Nete


Reporter: Ramdan Otoluwa

PO PUASA eo riavi ri mpae 1440H, pompene balu-balu ri gade Kota Palu, damo nelabi sulina. Eva marisa nete, alina biasana sapu njobuna sakilo, nompene najadi patapu njobu sakilo.

Vesia muni marisa mbaso, najadi Rp50.000 dako ri biasana aga Rp25.000 sakilo.

Ledo aga hai, panggita ri gade Manonda Palu Barat, eo Sine (6/5/2019) ali nu parancina biasana Rp5.000 sakilo, nompene  Rp10.000 sakilo. Domo rauli pia mputi, alina maria mo Rp80.000 sakilo. Naupa vesia, pia lei alina danasimbayu ri pompenana barapia Rp60.000 sakilo.

Gade-gade ntanina nompene muni alina. Eva ntalu kodi Rp45.000/rak dako ri alina Rp39.000/rakna, ukuran na sodang Rp48.000/rak dako Rp45.000/rakna.

Pompena ali hi apa nakura mo stok mbara-mbara hai ri Kota Palu, topodaga nangala dako ri ngata ntanina.

Tapi, anu ledo raposipatoka, tabung gas tatalu kilo domo naria. Nabelo mpu pongua totua mombine, panguli nu netizen ri akun medsosna.

“Pangane nobalanja, nadea tina nungana damo ngua-nguana. Bula mpuasa mpae hi, nadea mpu ranga cobaan ni dekei Pue Tupu Allah SWT, ka kita ri Padagimo anu naupu nambela lingu mbaso. Karugiana maria 18 trilyun, no pakamburaka ekonomi ntodea,” tesana.**

Share on Google Plus

0 komentar:

Post a Comment

close
 LAYANAN PEMASANGAN IKLAN