Nobalu Gas Naliu HET Cabut Izin Pangkala


Reporter: Firmansyah Lawawi

PT PERTAMINA (Persero) nopakatantu sanksi mo cabu izin operasi pangkalan nobalu gas 3 kg maliu dako ri alina atau Harga Eceran Tertinggi (HET).


Ane matorbukti bo mompabalu gas maoge ka pongecer, natantumo ra tindaki kami,” panguli  Unit Manager Comunication dan CSR Pertamina, Hatim Ilwan, Sabtu (11/5/2019) di sala sangu restoran  ri kota Palu.

Ri mpae 2018 sampe 2019, niuli Hatim, maria 145 sanksi nisuvuraka pertamina ka agen LPG nosubsidi, apa norumpa atura. Ane sanksi ka pangkala ri Sulteng maria 205. “Anu najadi parahatia sorius nu pertamina,” panguli Hatim

Sanksi hi nompamula dako ri surat teguran, popeta samantara LPG sampe pobotusi hubunga karaja. 
“Jenis sanksina na torgantung nuapa polanggaran na,” niulina.

Pertamina nerapi ka todea asupaya mangali gas LPG 3 kg ri pangkala na rosmi. Apa nipakatantu pamarenta mo alina. “Ane maria pangkala movia gau, lapor ri call center 135,” perapina.

Niakui Hatim Ilwan, ane ledo namala nokontrol ali nu gas ri pongecer, apa pertamina aga nodekei atura ka pangkala.

Pasokan elpiji ri Sulteng nitambai 10 parase ri bula mpuasa hi. Boitomo itu todea nemo madea gaga gas ra ali.

“Insya Allah ra ponuhi kami paralu ntodea, supaya mo puasa mo ma buka nte khusyu, pojanjina.**

Share on Google Plus

0 komentar:

Post a Comment

close
 LAYANAN PEMASANGAN IKLAN