Pantarima Ngana mPosikola Nombali


Reporter: Firmansyah Lawawi

PO PANTARIMA ngana dako mesua mosikola atau siswa baru ri Palu, natopa niuli sistem zonasi, ri mpae 2019-2020 mombalimo ngena.

Eva ri SMP Negeri 3 Palu ri jalam Kemiri Kecamatan Palu Barat.

Kapasikola SMPN 3 Palu, Wiji Slamet notesa ane ri mpae hi zonasi PPDB ri posikolana nibali. Ane mpae naliu danompake sistem irisan, tapi mpae hi mompake sistem dala ri kecamatan Palu Barat.

Jadi, Kelurahan Lere ri Kecamatan Palu Barat domo mesua ri zonasi SMPN 3.

“Ane mpae naliu ngana mposikola ri papitu kelurahan, eva Siranindi, Boyaoge, Nunu, Ujuna, Lere, Donggala Kodi bo Balaroa mamala mondaftar ri SMPN 3. Tapi mpae hi Lere, Donggala Kodi ante Balaroa domo nesua ri zonasi kami,” pangulina, eo Satu (25/5/2019).

Nicontokana vai, ane mpae naliu siswa dako ri Ujuna aga mamala mondaftar ri SMPN 3. Mpae hi, nipakaluo mo zonasi na.

Eva ri sabingga tasina Ujuna, eva ri dala Sungai Lombongan mamala mesua ri SMPN 15 Palu. Samantara Ujuna kasoloa, eva ri dala Gajah Mada mondaftar ri SMPN 3.

Efektivitas sistem zonasi, panguli Wiji Slamet, nabelopa mpae hi. Apa naluo wilayah na. Jadi ngana mposikola na bebas mompelisi posikola anu ledo akavao dako mpoturora.

Naupa vesia, SMPN 3 Palu dopa noumumkan sistem zonasi hai, apa da nantongoraka sura dako ri Dinas Pendidikan dan Pengajaran Kota Palu.


Kapala Dinas Pendidikan dan Pengajaran Kota Palu, Ansyar Sutiadi nanguli, popakatantu zonasi SMP damo rakavia maupa eo buka.

“Insya Allah maliu buka zonasi SMP pade rapa tantu,” niulina.

Share on Google Plus

0 komentar:

Posting Komentar

close
 LAYANAN PEMASANGAN IKLAN