Potauraka Tim Safari Ramadhan


Sumber: Humpro Sulteng

TUAMATA Gubernur Sulawesi Tengah Longki Djanggola notaurakamo topocarama anu niuli tim safari Ramadhan provinsi, bongi Selasa (7/5/2019).

Potauraka tim safari hi nikavia muni nte pobuka puasa bersama anu nikakava geira dako ri unsur pimpinan forum daerah.

Tim safari Ramadhan hi nibagi randua tim, tuamata mboto nobalenggai tim I, samantara tim II Sekdaprov Sulteng.

Tim I manau hau ri Tolitoli, Morowali, Morowali Utara, Parigi Moutong, Donggala, Sigi, bo Kota Palu.

Sadangka Tim II hau ri Kabupaten Buol, Poso, Tojo Unauna, Banggai, Banggai Kepulauan, Banggai Laut, Donggala, Sigi, bo Kota Palu.

Tuamata Longki nanguli safari Ramadhan na rutin nikavia asupaya mompakoroso posampesuvu bo porambanga nu pamarenta sabagai umarah,  ulama bo umat Islam.

Longki nerapi ka topocarama atau dai supaya mamala mompatoleleka ajaran nu Islam bo motarangka nuapa-nuapa hasele pombangutaka nu ngata, ante bahasa agama.
Paran nu dai nisaromaka mompasiromu bo mompakabuku umat Islam mombangu ngata, khususna mompakasasinta rehabilitasi ante rekonstruksi Sulawesi Tengah anu naupu nambela lingu mbaso 28 September 2018 naliu.

Natekai bago nu pilpres nte pileg, tuamata notevai ka dai supaya mompaka voe belo rara ntodea.

“Ra tongorakata hasele dako ri KPU. Nemo matepanci mo sisalai, mosisanai bo mosinavusaka,” petevaina.

Bo karugia bo manjosorara mo tona, panguli Longki, nikava bula mpuasa tapi ledo nompakagali karo bo nompevoke kualitas amala ibadahna.

“Apa isema manggisani, mpae makava, mosinggava pa vai kita ledo nte bulan Ramdhan,” pangulina.***

Share on Google Plus

0 komentar:

Post a Comment

close
 LAYANAN PEMASANGAN IKLAN