Tampa po Olahraga Rabangu ri Kaombona



Sumber: Humas Pemkot
PAMARENTAH Kota Palu nasadia mombangu njumangu tampa po olahraga ka todea, khususna ka atlet. Anu hai rancana ra bangu ri hutan kota Kaombona.

Jarita hi nisovadaka Wali Kota Palu Hidayat ri tempo posalama kontingen Poprov Kota Palu, anu nanggava banderaa ri Porprov VIII Sulawesi Tengah.

Sampe eo hi, niuli Hidayat, naria mo ni bangu fasilitas olahraga ri Kaombona, eva  Lapangan Tenis, Lapangan Futsal, Lapangan Basket, ante arena Skate Board.

“Rancanana njumangu fasilitas olahraga ra bangu hamai. No tarima kasi ntoto yaku ka atlet anu nousaha bo nompekabuku nanggava bandera eva medali ri bago Porprov naliu,” panguli Hidayat, eo Juma (3/5/2019).

Ri bago Porprov VIII Sulawesi Tengah, Kota Palu nanggava bandera juara Umum Partama nanggeni mpanjili 44 medali emas, 42 medali perak, bo 48 medali perunggu.

Ri kasampata hai, wali kota no dekei bonus ka atlet anu nanggava medali.**

Share on Google Plus

0 komentar:

Post a Comment

close
 LAYANAN PEMASANGAN IKLAN