Walikota Narau, Sakaya Nabongga

Picture: Portal Sulawesi

Sumber: Humas Kota Palu

WALIKOTA Palu Hidayat eva nipotodoyoka tona nomanfaatka bantua boncana nangelo kauntunga ka kanto ra mboto. Hidayat narau apa maria papitu sakaya bantua nu Pemkot Palu ka koroba bomba talu, tano sakaya nabongga.

Eva nitutura portralsulawesi, Walikota noparenta mo Inspektorat Kota Palu mo paresa isema-sema pura na torlibat nompakasadia sakaya ka topebau koroba bomba talu.

”Niparentakumo Inspektorat amomparesa pura isema natorlibat ante notanggungjawa bantua hai. Sambei mami sakaya bongga hai,” parenta Hidayat.

Samantara hai, Inspektur Inspektorat, Didi Bakran nanguli nakana nuapa niuli Walikota hai. 
Naupumo niparesara tona natorlibat pakasadia sakaya ka koroba bala September 2018 naliu.

“Pihak ketiga pakasadia sakaya hai, niparentakumo asupaya mosambei sakaya gero. Anu eva nuapa niparenta nu Walikota ka kami,” panguli Didi Bakran.

Pemkot Palu nodekei bantua maria talupulu sakaya ka topebau ri bivintalinti nu Palu. Sakaya nibagi-bagi ka sakuyangu kalompok topebau hai tano nabongga, ledo namala rapke mebau.

Kasus sakaya bongga hi nisani ntodea puramo. Niulira naria pomore pompakasadia sakaya hi.

Polisi Resor Palu notauraka mo tim mpasolidiki kasus sakaya bongga hi. Unit Tipikor Palu nompasiromu mo kataranga bo bukuti, raparesa belo.

“Kasus sakaya bongga samantara nosilidiki kami,” panguli Kapolres Palu, AKBP Mujianto S.I.K.**

Share on Google Plus

0 komentar:

Post a Comment

close
 LAYANAN PEMASANGAN IKLAN