Na Lalod Gaga Notangani Pongungsi


Wali Kota Narau ka Anak Buah

Reporter: Firmansyah Lawawi
WALI Kota Palu Hidayat nerapi ka aparatur sipil negara (ASN), eva kapala organisasi perangkat daerah (OPD), lurah ante camat supaya nemo ma lalod gaga mo respon nuapa niponguaka pongungsi.

"Merapi tulungi le, dako ri riarantai miu ante kaikhlasan komiu pura, motangani masala geira korban bancana hi. Kasia ranga sampesuvuta da nonturo ri tenda ante huntara. Damo napane eo, ledo muni naria uve ante listrik,” pangulina ri tempo nobalenggai polibu ri Bantaya kantoro wali kota, eo Salasa (11/6/2019).

Pomperapi wali kota hi nisovadaka apa nasumpu rarara nanggita karaja anak buana ledo nasiau notangani pongungsi.

Ri polibu anu nioseaka OPD bo lurah ante camat hai, wali kota narau apa dopa nasagena fasilitas eva uve ante listrik ri shelter pongungsian maupa huntara.

Nitesana, apa nadea todea nakava ri banuana nonguaka dopa ria uve ante listrik nipataka ri tenda maupa huntara.

“Domo ngena kuepe todea mongua ka uve bo listrik,” pangulina.

Ledo aga hai, geira ri shelter Balaroa, niuli Hidayat, nonguaka tenda ra nadea mo nabite. Ane nauda uve nesua rara tenda.

“Koi cek miu, supaya rasambei tenda ra,” perapina.

Niparentena mo OPD. Lurah bo camat supaya mosambu listrik ri sinjori huntara. Ane na torkondala administrasi, sambu langsung mo.

"Sakombula hi aga masala listrik mo ri tenda pongungsian nitesa. Apa da niregistarasi ri PLN. Samantara todea nandasa mo leria poindo. Damo napigu ri tenda, nadea ngana, ledo ria listrik. Ane maria kandala, hubungi yaku, nemo aga rapamba bayangi nuanu hi,” perapina vai.**




Share on Google Plus

0 komentar:

Post a Comment

close
 LAYANAN PEMASANGAN IKLAN