Puskesmas Pataka A Se, Amanyama Tomadua



Reporter: Firmansyah Lawawi

WALI Kota Palu Hidayat, nisipi Sekretaris Daerah Kota Palu Asri L. Sawayah, nolanti sapulu ampa Kepala UPTD Puskesmas ri kantor Wali Kota, eo Juma (14/6/2019).

Hidayat nerapi ka geira naupu nilanti asupaya mompasiau nuapa nakura ante nuapa paralu rapakabelo ri Puskesmas.

Ledo aga haitu, Hidayat noparenta Puskesmas rapataka A Se, supaya maranindi bo ma nyama tomadua makava ri puskesmas.

"Kuperapi pakabelo polayana. Pokonya pakasana belo todea nakava ri Puskesmas. Ledo nipokonoku tomadua noveba-veba, apa napareda. Nemo ra siksa tona, aga mantambai ngena dua,” perapina.

Niuli Wali Kota Hidayat Dinas Kesehatan Kota Palu najadi sala sangu OPD najadi parioritas utama, naupu Dinas Pendidikan dan Kebudayaan.

Wali kota nerapi polayana kasehatan todea majadi parantai sorius nu Kapala UPTD Puskesmas. “Maupu nilanti hi, kavia polayanan kasehatan keliling ka todea,” pangulina.**

Share on Google Plus

0 komentar:

Post a Comment

close
 LAYANAN PEMASANGAN IKLAN