Wali Kota: Sarara ri Balaroa Mosabara

Walikota Palu Hidayat

Reporter: Firmansyah Lawawi

RANCANA Todea Kelurahan Balaroa movia kamp atau tenda ri ngayo kantoro wali kota, nitubo Wali Kota Hidayat, iriavi (10/7/2019).

Hidayat nerapi supaya nemo vesia hai. “Kuperapi ka sararaku ri Balaroa supaya mosabara. Nemo ra turusi nia hai. Pamarenta Kota Palu da hau tumai, santanga mate no usaha. Domo masipato ri kamampua,” pangulina, naupu nocera pombangutaka Jambatan V, eo Araba (10/7/2019), ri Nunu.

Sampe eo hi, pangulina, da niusahaka nju berimba mangatasi polemik naupu lingu mbaso. Sala sangu usaha hai eva nangelo topo donor mo bantu pongungsi.

“Insya Allah mpae hi, ri shelter pongungsi Sport Center Balaroa, ra bangu 127 Hunian Tetap. Perapi do’a magana mo ngena 200 huntap mpae hi muni. Da niusahakuka mangelo topo donor supaya motambai vai dea nu Huntap hamai,” tesana.

Vesia muni sarara ri Petobo. Wali Kota nangaku da no upaya nompabebaska lahan. “Iriavi, pamarenta noenju mo batas nu tana ra pombangu Huntap. Tapi, naupu nienju batasna, tano tana hai naria mo topangali. Boitumo hai, da niusahaka berimba belona. Apa ledo urusa nagampa hi,” pangakuna.

Niperapi Hidayat, supaya todea nemo ma torprovokasi, sampe movia nuapa anu mompahamba pombangutaka pascaboncana.

“Apa naria todea koroba boncana nakava ri banua. Niulira, ledo na sotuju geira mo demo na tekai masala naupu ngata hi nanggava lingu mbaso,” pangulina.

Ia nerapi ka todea ri Palu, utamana sampesuvu ri Balaroa bo Petobo, maupa sararana ntanina koroba boncana 28 September naliu, supaya mosabara mantarima ujia dako ri Tupu Allah Ta’ala hi. “Insya Allah, posabara rakeniakata hi, perapi do’a maria dala belo radekei-Na,” perapina.**

Share on Google Plus

0 komentar:

Post a Comment

close
 LAYANAN PEMASANGAN IKLAN